समाज

लकडाउनले बालबालिकामा देखिएको समस्या रोक्न स्थानीय तह प्रतिबद्ध

जेठ २०, २०७७

    काठमाडौं : कोरोना महामारीपछि गरिएको लकडाउनका कारण वर्ल्ड भिजनले प्रदेश २ र ५ का ६ जिल्लामा हालै ७ सय ६१ सहभागीसँग गरेको एक मूल्यांकन (र्यापिड एसेसमेन्ट) अनुसार बालबालिकामाथि हुने हिंसा र दुर्व्यवहार ८ प्रतिशतले वृद्धि भएको तथ्यांक देखाएको छ। 

    लकडाउन अवधिभर ६० प्रतिशत परिवारले आफ्ना पाँच वर्षमुनिका बालबालिकाको दैनिक आहार जुटाउन समस्या भएको बताएको भिजनको तथ्यांकले देखाएको छ।  

    यसै सन्दर्भमा गाउँपालिका राष्ट्रिय महासंघ र वर्ल्ड भिजन इन्टरनेसनल नेपालको सहकार्यमा बालबालिका संरक्षण र सहभागिता विषयको अनलाइन छलफल कार्यक्रम भएको बताइएको छ। 

    जेठ १४, १६ र १९ गते गरी विभिन्न तीन चरणमा सम्पन्न भएको कार्यक्रममा प्रदेश १, २, बागमती, गण्डकी र सुदूरपश्चिम गरी जम्मा २८ स्थानीय सरकारका प्रतिनिधि समावेश भएका थिए। कार्यक्रममा पालिकाका अध्यक्ष, उपाध्यक्ष, प्रशासकीय प्रमुखकोे सहभागिता थियो।

    बालश्रम, बालविवाह, लागुऔषध दुर्व्यसनी र बेचबिखन जोखिम बढ्न सक्ने भन्दै समयमै यसतर्फ सबैले जोड दिँदै स्थानीय तहको योजना तर्जुमा प्रक्रियामा बालबालिका लक्षित कार्यक्रम र बालसहभागिता नै छलफलको मुख्य विषय रहेको बताइएको छ। 

    बन्दाबन्दीका बेला बालबालिकामा हुनसक्ने मानसिक तथा शारिरिक दुर्व्यवहारले बालबालिकामा पर्ने असरबारे पनि छलफल गरिएको थियो । साथै सडक बालबालिका, स्याहारकर्ता बिना हुर्किरहेका बालबालिका, बालगृहमा रहेका बालबालिकामा बन्दाबन्दीले परेको असर र चुनौतीबारे धारणा राख्दै वल्र्ड भिजनका बाल संरक्षण व्यवस्थापक दिलिप गिरीले स्थानीय तहबाटै बाल संरक्षण तथा न्यायिक पद्धतिलाई बलियो बनाउँदै लैजानुपर्ने बताएका थिए। 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]