अर्थ

दाङमा बैंक तथा वित्तीय संस्थाहरु खोल्न बार र समय निर्धारण

जेठ ५, २०७७

    दाङ :  दाङमा बैंक तथा वित्तीय संस्थाहरु खुल्न बार र समयको निर्धारण गरिएको छ।

    जिल्लाको तुलसीपुर, घोराही र लमही क्षेत्रका बैंक तथा वित्तीय संस्थाहरु खोल्न जिल्ला सुरक्षा समितिको आइतबार बसेको बैठकले बार र समय तोकेको हो।

    तुलसीपुरमा बैंक तथा वित्तीय संस्थाहरु आइतबार, मंगलबार र बिहीबार बिहान १० देखी दिउँसो २ बजेसम्म खोल्न दिइने निर्णय भएको जिल्ला प्रशासन कार्यालय दाङले जनाएको छ।

    त्यसैगरी, घोराही र लमहीमा साताको २ दिन सोमबार र बिहीबार विहान १० देखी दिउँसो २ बजे सम्म खुल्न दिने निर्णय भएको जिल्ला सुरक्षा समितिका संयोजक तथा प्रमुख जिल्ला अधिकारी गोविन्द रिजालले जानकारी दिए।

    कोरोना संक्रमणको रोकथामका लागि चालिएका नियम र सजगतालाई अनिवार्य पालना गर्दै सेवा लिन र सेवा दिन समेत समितिले आग्रह गरेको छ। साथै बैंक तथा वित्तीय संस्थाहरुलाई भीडभाड हुन नदिन र भौतिक दुरी कायम गर्ने विषयमा बैंक तथा सेवाग्राहीलाई आग्रह गरिएको छ। 

    यस अघि दाङमा खाद्यान्न र निर्माण सामाग्री खरिदका लागि पनि बार र समय निर्धारण भैसकेको छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]