कोभिड-१९ {अपडेट}

भक्तपुरका ४० जनाको रिपोर्ट नेगेटिभ, १८ जनाको आउन बाँकी

चैत २६, २०७६

    भक्तपुर ः कोरोना भाइरसको शंकामा नमुना परीक्षण गरिएका भक्तपुरका ४० जनाको रिपोर्ट नेगेटिभ आएको छ।

    भक्तपुरमा शंकास्पद ५८ जनाको स्वाब संकलन गरी परीक्षण गरिएकोमा ४० जनाको रिपोर्ट नेगेटिभ आए र बाँकी १८ जनाको रिपार्ट आउन बाँकी रहेको जिल्ला प्रशासन कार्यालयले जनाएको छ।

    त्यसैगरी लकडाउन शुरु भएदेखि लकडाउन उल्लंघन गर्ने १३५ सवारी साधन र ७३१ जनालाई नियन्त्रणमा लिएर कारवाही गरेको प्रमुख जिल्ला अधिकारी हुमकला पाण्डेले जानकारी दिइन्। 

    कोरोना भाइरसको सम्भावित संक्रमणको रोकथाम र उपचारका लागि भक्तपुरमा तीन वटा क्वारेन्टाइन स्थल तयार रहेको र त्यहाँ २९५ बेड रहेको प्रशासनले जनाएको छ। जिल्लाका विभिन्न अस्पतालमा १७ वटा भेन्टिलेटरसहितको सघन उपचार कक्ष र ८७ वटा आइसोलेसन बेड तयारी अवस्थामा रहेको प्रजिअ पाण्डेले जानकारी दिइन्।

    यस्तै, भक्तपुरमा चैत १ देखि यता भारतलगायत तेस्रो मुलुकबाट आएका १३४ जनाको पहिचान गरी उनीहरुलाई निगरानीमा राखेको र उनीहरुको स्वाब परीक्षणको तयारी शुरु गरिएको छ। त्यसैगरी गत चैत १२ मा पूर्वको काँकडभिट्टा नाकाबाट नेपाल प्रवेश गरी भक्तपुर आइपुगेका २३ जनालाई खरिपाटीस्थित क्वारेन्टाइनमा राखिएको छ। 

    गत चैत ८ मा विभिन्न देशबाट हवाईमार्ग हुँदै नेपाल प्रवेश गरी खरिपाटी क्वारेन्टाइनमा राखिएकामध्ये स्वाब परीक्षणमा नेगेटिभ रिपोर्ट आएका इलाम, सुनसरी, झापा, तेह्रथुम, धनकुटा, रौतहट, सर्लाही, बारा, सप्तरी, धादिङ, काठमाडौं, काभ्रेपलाञ्चोक, ललितपुर, चितवन, तनहुँलगायतका जिल्लाका ७३ जनालाई सोमवार पाँचवटा बसको व्यवस्था गरी घर पठाएएको जिल्ला प्रशासन कार्यालयले जनाएको छ। उनीहरुलाई थप ७ दिन सेल्फ क्वारेन्टाइनमा बस्नुपर्ने गरी पठाएको प्रजिअ पाण्डेले बताइन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]