समाज

झुलाघाटमा सशस्त्रको बोर्डर आउट पोष्ट स्थापना हुने
SHARES

असोज २६, २०७६

    बैतडी :  नेपाल–भारत सीमानाका बैतडीको झुलाघाटमा सशस्त्र प्रहरी बलको बोर्डर आउट पोष्ट स्थापना हुने भएको छ। अघिल्लो वर्ष सदरमुकाममा स्थापना भएको सशस्त्र प्रहरी बल नं ५१ गुल्मले यो वर्षभित्र सीमानामा झुलाघाटमा बोर्डर आउट पोष्ट स्थापना हुने जनाएको छ। 

    सीमानाका झुलाघाटमा बोर्डर आउट पोष्ट स्थापनाको लागि जग्गा खोजी कार्य जारी रहेको  शसस्त्र प्रहरी बल नं ५१ गुल्मका सशस्त्र प्रहरी नायव उपरीक्षक अमित सिंहले जानकारी दिए। जग्गाको टुंगो लाग्ने बितिक्कै बोर्डर आउट पोष्ट स्थापना हुने उनले बताए।  बोर्डर आउट पोष्टमा सशस्त्र प्रहरी निरीक्षकको कमाण्डमा ५० जनाको टोली रहने जनाइएको छ।  

    सीमानाकामा बोर्डर आउट पोष्ट स्थापना भएपछी सीमाक्षेत्रमा भारतीय प्रहरी र शसस्त्र प्रहरीको आवश्यकताअनुसार गस्ती गर्ने शसस्त्र प्रहरी नायव उपरिक्षक सिंहले बताए।  यसका साथै सीमामा हुने चोरीनिकासी, तस्करी, लागुऔषध ओसारपोसार नियन्त्रण हुने विश्वास गरिएको छ।  

    झुलाघाटमा शसस्त्र प्रहरी बलको बोर्डर आउट पोष्ट स्थापना भएपछी सीमाक्षेत्रमा हुने अपराधिक क्रियाकलाप, करछली न्युनीकरण हुने झुलाघाट बजार व्यवस्थापन समिति अध्यक्ष लवदेव जोशीको भनाइ छ । 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]