खेलकुद

हङकङविरुद्ध जितका लागि नेपाललाई १९५ रनको लक्ष्य
SHARES

असोज २७, २०७४

    काठमाडौं : आईसीसी विश्व क्रिकेट लिग च्याम्पियन्सिपअन्तर्गत हङकङविरुद्धको पहिलो खेलमा नेपालले जितका लागि १९५ रनको लक्ष्य पाएको छ।

    मिसन रोड मैदानमा टस हारेर पहिले ब्याटिङको निम्तो पाएको घरेलु टोली हङकङ निर्धारित ५० ओभरमा १९४ रन जोड्दा अलआउट भयो। उसका लागि विकेट किपर ब्याट्सम्यान जिमी अट्किन्सनले ७६, तनविर अफजलले ३८ तथा कप्तान बबर हयातले २९ रनको योगदान गरे।

    यसका अलावा वाकस खानले १४, इसान नवाजले १६ र निजाकट खानले १२ रन जोड्दा अन्य ब्याट्सम्यानले दोहोरो अंकमा रन जोड्न सकेनन्। नेपालका लागि सन्दीप लामिछानेले ३, वसन्त रेग्मी र करण केसीले समान २ तथा सुशान भारीले १ विकेट लिए। अन्य २ ब्याट्सम्यान रनआउट भए।

    ८ टीम सहभागी प्रतियोगितामा ८ अंकसहित नेपाल छैटौं स्थानमा छ। २ अंक बढी जोडेको हङकङ नेपालभन्दा एक स्थान माथि छ। अंकतालिकाको शीर्ष ४ भित्र पर्दै विश्वकप छनोट खेल्ने सम्भावना जीवित राख्न नेपाल यो खेल जित्नै पर्ने दबाबमा छ। यसपछि नेपालले हङकङसँग अर्को १ र युएईसँग २ खेल खेल्न बाँकी छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]