स्वास्थ्य

स्वास्थ्य बीमा बोर्डका अध्यक्षसहित ३ जनाले पदबहाली गरे

भदौ ३१, २०७७

    काठमाडौं : स्वास्थ्य बीमा बोर्डका अध्यक्षसहित पदाधिकारीले पदबहाली गरेका छन्। अध्यक्षमा नियुक्त डा. सेनेन्द्रराज उप्रेती तथा सदस्यहरु डा. सुरेश तिवारी र चन्द्र थापाले स्वास्थ्य मन्त्रालयमा आयोजित एक कार्यक्रममा सपथग्रहण गरेका हुन्। 

    अध्यक्ष डा.उप्रेतीले स्वास्थ्य तथा जनसंख्या मन्त्री भानुभक्त ढकालबाट सपथग्रहण लिए। सदस्यहरु डा. तिवारी र थापाले अध्यक्षबाट सपथ लिएका थिए। शपथग्रहणसँगै उनीहरुले पदबहाली गरेका हुन्।

    स्वास्थ्य मन्त्री ढकालको मन्त्रिस्तरीय निर्णयबाट सदस्यहरूमा डा. तिवारीलाई विज्ञबाट र बिमितहरुबाट चन्द्र थापालाई ४ वर्षे कार्यकालका लागि मनोनित गरेका हुन्। 

    स्वास्थ्य बीमा ऐन २०७४ ले सम्बन्धित क्षेत्रमा पाँच वर्षको अनुभव भएका मध्येबाट दुई जना महिलासहित तीनजना र बिमितबाट एक महिलासहित दुईजनालाई मन्त्रालयले मनोनित गर्ने व्यवस्था गरेको छ। 

    स्वास्थ्य बीमा बोर्डमा स्वास्थ्य मन्त्रालयका सहसचिव र अर्थ मन्त्रालयका सह-सचिव पदेन सदस्य रहन्छन्। स्वास्थ्य बीमा बोर्डको कार्यकारी निर्देशकलाई सदस्यसचिव तोकिन्छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]