समाज : सुरक्षा/अपराध

घाँस काट्न गएकी महिलाको बीभत्स हत्या, खाेज्दै गएका श्रीमानले भेटे शव

असार २५, २०७७

    संखुवासभा : धर्मदेवी नगरपालिकामा  एक महिलाको बीभत्स हत्या भएको छ। धर्मदेवी नगरपालिका–९ मुलगाउँ जंगलमा घाँस काट्न गएकी मनमाया जिमीको शव फेला परेको जिल्ला प्रहरी कार्यालय संखुवासभाका प्रहरी प्रमुख डिएसपी नवराज मल्लले जानकारी दिए। 

    बुधबार दिउँसो ३ बजे घर नजिकै घाँस काट्न गएकी थिइन्। श्रीमती घर नआएपछि श्रीमान रुद्र जिमी र छोरा खोजी गर्दै मुलगाउँको जंगलमा पुग्दा उनीहरुले मृत अवस्थामा मनमायालाई फेला पारेका थिए।

    श्रीमान रुद्रले बिहीबार बिहान ८ बजे जंगलमा श्रीमतीलाई फेला पारेपछि जनप्रतिनिधि र प्रहरीलाई खबर गरेका थिए। हत्या कस्ले किन ग¥यो भन्ने खुल्न नसकेको जिल्ला प्रहरी कार्यालय संखुवासभाले जनाएको छ।

    जिमीलाई धारिलो हतियार प्रहारबाट हत्या गरिएको डिएसपी मल्लले बताए। प्रहरीले घटनामा संम्लग्न भएको आशंकामा गाउँका केही व्यक्तिलाई पक्राउ गरेको भए पनि केही खुलाउन चाहेको छैन। यसबारे अनुसन्धान भइरहेको प्रहरीले बताएको छ। 
     

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]