समाज

बिहीबारदेखि मुलुकभर वर्षकै धेरै पानी पर्ने, सचेत रहन सरकारको आग्रह

खहरे आसपास र डुबान हुने क्षेत्रमा उच्च जोखिम

असार २४, २०७७

    काठमाडौं : बिहीबारदेखि चार दिनसम्म देशका विभिन्‍न स्थानमा वर्षकै धेरै पानी पर्ने भएको छ। प्रदेश १,२, बागमती र गण्डकी प्रदेशमा आइतबारसम्म चार दिन धेरै पानी पर्ने भएकाले सचेत रहन गृहमन्त्रालयले आग्रह गरेको छ।

    पहाडी क्षेत्रका साना खोलानाला, खहरे र नदी नालामा बाढी आउने भएकोले सचेत रहन राष्ट्रिय विपद जोखिम न्यूनीकरण तथा व्यवस्थापन प्राधिकरणले आग्रह छ। लामो वर्षाले पहाडी भेगको भू-भाग गलिसकेको कतिपय ठाउँमा पहिरो पनि जान सक्ने गृहमन्त्रालयले जानकारी दिएको छ।

    'शुक्रबारदेखि आइतबारसम्म कन्काई, कोशी, कमला, बागमती, नारायणी तथा यसका सहायक नदीमा पानीको सतह बढेर बाढी र खतरा हुनसक्ने पूर्वानुमान गरिएको छ,' विज्ञप्तिमा भनिएको छ, 'तराईका झापा, मोरङ सुनसरी, सप्तरी, धनुषा, महोत्तरी, सिरहा,सर्लाही, बारा, पर्सा,रौतहट र चितवन लगायत होचो ठाउँलाई डुबाउने भएकोले बेलैमा सचेत रहन आग्रह गर्दछौँ।'

    त्यसैगरी यी चार प्रदेशका अलावा लुम्बिनी, कर्णाली र सुदूरपश्चिम प्रदेशका बासिन्दालाई समेत सतर्क रहन गृह मन्त्रालयले आग्रह गरेको छ।

     

      

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]